اسلام آباد(ایس ایم حسنین) ایودھیا میں بابری مسجد کی جگہ رام مندر کی تعمیر کے آغاز اور فیصلے کے مطابق مسجد کی متبادل جگہ پر تعمیر کیلئے مسجدکا ڈیزائن فائنل ہوگیا ہے مگر مسجد کا نام بابری مسجد نہیں رکھا جائیگا۔ انڈو اسلامک کلچرل فائونڈیشن کے ترجمان کے مطابق ایودھیا میں 15000 اسکوائر فٹ پر تعمیر ہونے والی نئی مسجد کا نام بابری نہیں ہوگا ۔ ترجمان نے کہا کہ اس مسجد کی عمارت دیگر مساجد سے مختلف ہوگی ۔ مسجد ڈیزائن کے مطابق کعبہ شریف کی طرح مربع شکل میں ہوگی ۔