رہنما مسلم لیگ نون طلال چوہدری نے کہا ہے کہ نواز شریف نے وہی مو قف دیا جو پہلے بھی ریاستی ادارے دیتے رہے ہیں۔

عمران خان کے بیان پر ردعمل دیتے ہوئےان کا کہنا تھاکہ کیا ملک توڑنے والا غدار نہیں؟ کیا آئین توڑنےوالا غدار نہیں؟ کیا ساٹھ ہزار جانوں کے ضیاع اور شہادتوں کا ذمہ دار ملک کا غدار نہیں

طلال چوہدری نے کہا کہ افسوس کی بات ہے کہ غداراسے کہا جارہے جس نے ایٹمی دھماکا کیا ،نااہل اسے کہاجارہا ہے جس نے سی پیک کا تحفہ دیا ۔

ان کا کہنا تھا کہ الیکشن قریب ہیں اس لیے اس قسم کے تھرڈ گریڈ الزامات لگائے جارہے ہیں لیکن قوم جانتی ہے ، ہم نہ کوئی وضاحت دیں گے نہ ہمیں کسی سرٹیفکیٹ کی ضرورت ہے۔