counter easy hit

امریکہ، چین، روس سمیت 45 ممالک کی بحری افواج پر مشتمل کثیر الجہتی بحری مشق امن2021جمعرات سے کراچی میں شروع ہوگی

اسلام آباد(ایس ایم حسنین) امریکہ، چین، روس سمیت 45 ممالک کی بحری افواج پر مشتمل کثیر الجہتی بحری مشق امن2021کا ساتواں ایڈیشن آج بروز جمعرات پاکستانی پانیوں میں شروع ہورہی ہیں۔پاک نیوی کے شعبہ تعلقات عامہ ڈی جی پی آر کے مطابق چھ روزہ مشق امن دو ہزار اکیس کا نعرہ ہے ” امن کیلئے اکٹھے“ یہ مشق دو مرحلوں ساحل اور سمندر پر مشتمل ہوگی۔ مشق میں پنتالیس ممالک اپنے زمینی اور فضائی اثاثوں، خصوصی آپریشن فورسز، بحری ٹیموں ، اعلیٰ افسران اور مبصرین کے ساتھ شرکت کررہے ہیں۔ یہ مشق ایک محفوظ اور پائیدار بحری صورتحال کو برقرار رکھنے کیلئے مختلف ملکوں کی بحری افواج کے درمیان تعاون کیلئے ہورہی ہے۔ یہ بھی بتایا گیا ہے کہ پاک بحریہ کی جانب سے یہ مشق دہشت گردی اور بحری قزاقی کیخلاف ہر دو سال بعد کی جاتی ہے۔ ادھر پاک بحریہ نے کثیر الجہتی بحری مشق امن دو ہزار اکیس کیلئے نئے نغمے کا پرومو جاری کردیا ہے۔ پاک بحریہ کے ترجمان کے مطابق نیا نغمہ اردو اور انگریزی زبانوں میں تیار کیاگیا ہے جس میں امن پسند ملکوں سے امن کیلئے متحد ہونے کی اپیل کی گئی ہے۔ نغمے میں امن کیلئے پاک بحریہ کے عزم کا اعادہ کرتے ہوئے امن مشق میں حصہ لینے والے ملکوں کا خیر مقدم کیاگیا ہے ۔

NAVAL, WAR-EXERCISE, AMAN-2021, TO, BE, STARTED, IN, KARACHI, TODAY

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website