بھارتی وزیر اعظم نریندر مودی نے انڈونیشیا میں صدر ویدودو کے ساتھ مل کر پتنگ بازی کی اور پیچا بھی لڑایا۔
تین ملکوں کے پانچ روزہ دورے کے پہلے دن انڈونیشیا پہنچے پر نریندر مودی کا صدر جوکو ودودو نے ان کا استقبال کیا۔اس موقع پر دونوں رہنماؤں کے درمیان کابینی سطح پر بات چیت ہوئی۔بات چیت کے دوران مودی نے کہاکہ ـ’بھارت اور انڈونیشیا اپنے تعلقات کو وسیع پیمانے پرتجارتی شراکت دارتک لیکر جائیں گے‘۔
وزیر اعظم نریندر مودی نے دونوں ملکوں کے درمیان تجارتی شراکت داری کو 2025 تک 50 ارب ڈالر تک پہنچانے کی کوششوں کو بھی دو گنا کرنے کی بات کی۔اس میٹنگ میں ڈفینس،سائنس،تکنیک ،ریل اور صحت کے میدان میںبھارت انڈونیشیا کے درمیان 15 ایم او یو پر دستخط ہوئے ہیں۔
اس موقع پر نریندر مودی نے انڈونیشین صدر ویدودو کے ساتھ جکارتہ میں منعقد پتنگ نمائش دیکھنے پہنچےجہاں پتنگ پروگرام میں دونوں لیڈران نے ساتھ میں پتنگ بھی اڑائی ۔
مودی اس کے بعد جکارتہ کے استقلالا مسجد میں صدر ویدودو کے ساتھ پہنچےجہاں انہوں نے انڈونیشیا میں ہوئے دہشت گردانہ حملوں کی مذمت کی اور دہشت گردی کے خلاف لڑائی میں ساتھ کھڑے رہنے کا وعدہ کیا۔
واضح رہے کہ مودی مشرقی ایشیا کے تین ملکوں کے اپنے دورے کے پہلے مرحلے میں منگل کو انڈونیشیا کے دارالحکومت جکارتہ پہنچے تھے۔
