پیرس(یس اردو نیوز) پاکستان مسلم لیگ (ن )فرانس کے چیف آرگنائزرمیاں محمد حنیف نے کہا ہے کہ اس مشکل دور میں بھی محترم شہباز شریف کی بطور صدر مسلم لیگ ن کارکردگی شاندار ہے۔ پنجاب کا بجٹ پیش نہ کر کے انہوں نے تمام سازشوں کا منہ موڑ دیا ہے۔ مسلم لیگ ن جمہوریت کے استحکام، سیاسی رواداری کے فروغ اور عوامی خدمت کے ایجنڈا پر عمل پیرا ہے۔ حکومتی اقدامات کے نتیجہ میں تمام دیرینہ مسائل ایک ایک کر کے قصہ پارینہ بنتے جا رہے ہیں۔
آئندہ الیکشن جیت کر مسلم لیگ ن یہ ثابت کرے گی کہ عوام گالی نہیں خدمت کی سیاست کو پسند کرتے ہیں۔انہوں نے کہا کہ مسلم لیگ ن کارکردگی کی بنیاد پر کلین سویپ کرے گی۔انہوں نے کہا کہ میاں محمد نواز شریف کی قیادت میں انرجی بحران پر کافی حد تک قابو پا لیا گیا ہے وہ وقت دور نہیں جب لوڈشیڈنگ ماضی کا قصہ بن کر رہ جائے گی–لوڈشیڈنگ میں نمایاں کمی آنے سے کراچی سمیت ملک بھر کے دیگر شہروں میں معاشی سرگرمیاں تیز ہوئی ہیں-انڈسٹری کو بجلی کی فراہمی کا دورانیہ بڑھ چکا ہے اورلوڈشیڈنگ میں خاطر خواہ کمی آئی ہے -انہوںنے کہاکہ کراچی میں امن وامان برسوں سے خواب بن چکا تھا-پاک فوج او ردیگر قانون نافذ کرنے والے ادار وں کی کاوشوں اور قربانیوں سے کراچی میں امن لوٹ آیاہے جس کا کریڈٹ بلاشبہ پاکستان مسلم لیگ ن کی حکومت کو ہی جاتا ہے جس نے نیشنل ایکشن پلان کے ذریعے ملک بھر میں دہشت گردی کے عفریت پر قابو پانے کے لئے یکسو ہوکر کام کیا۔
