May 12 incident suo moto case, Chief Justice Sindh High Court sorry from hearing
کراچیچیف جسٹس سندھ ہائی کورٹ جسٹس سجاد علی شاہ نے سانحہ بارہ مئی ازخود نوٹس کیس ری اوپن کرنے سے متعلق درخواست کی سماعت سے معذرت کرلی ہے۔
چیف جسٹس سندھ ہائی کورٹ جسٹس سجاد علی شاہ کی سربراہی میں بنچ نے سانحہ بارہ مئی ازخود نوٹس کیس ری اوپن کرنے سے متعلق درخواست کی سماعت کی۔ درخواست کے موقف اختیارکیا گیا تھا کہ 12 مئی 2007 کوکراچی میں سوچے سمجھے منصوبے کے تحت خون خرابہ کیا گیا جس میں 50 افراد جاں بحق ہوئے۔ پی سی او ججز نے مقدمہ ختم کردیا تھا تاہم اسے ری اوپن کرکے شفاف تحقیقات کرائی جائے۔
سماعت کے آغازپرہی جسٹس سجاد علی شاہ نے درخواست کی سماعت سے معذرت کرتے ہوئے ریمارکس دیئے کہ وہ خود سانحہ بارہ مئی کے متاثرین میں شامل ہیں اس لیے کیس نہیں سن سکتے کیونکہ ان کے ڈرائیورنے اُس روزخود پر بیتنے والی روداد لکھیہے۔ چیف جسٹس نے مقدمہ سماعت کے لئے عدالت عالیہ کے بینچ نمبر2 میں منتقل کردیا۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
