counter easy hit

دنیا کو پہلی اسلامی ایٹمی طاقت دینے والے راہنما کو جیل میں بنیادی انسانی حقوق نہ ملنا اسلام اور مسلمانوں کی توہین ہے،ملک انعام

دنیا کو پہلی اسلامی ایٹمی طاقت دینے والے راہنما کو جیل میں بنیادی انسانی حقوق نہ ملنا اسلام اور مسلمانوں کی توہین ہے،ملک انعام

 پیرس (نمائندہ خصوصی) مسلم لیگ ن یوتھ ونگ فرانس کے سیکرٹری اطلاعات ملک انعام نے میاں محمد نواز شریف کو جیل میں ذاتی معالج نہ دینے پر شدید رنج و غم کا اظہار کرتے ہوئے کہا ہے کہ دنیا کو پہلی اسلامی ایٹمی طاقت دینے والے لیڈر کو بنیادی انسانی حقوق کیلئے ترسانا ظلم ہے۔ اسلام اور مسلمان موجود ظالم حکومت کو کبھی معاف نہیں کریں گے۔ انہوں نے جیل میں میاں نواز شریف کی طبیعت کی خرابی اور علاج معالجے کی سہولیات نہ ملنے پر شدید تشویش کا اظہار کرتے ہوئے کہا ہے کہ ملک کو ایٹمی طاقت بنانے والے رہنما کے ساتھ اس قسم کا سلوک کروڑوں پاکستانیوں کی توہین کے مترادف ہے ۔ خدانخواستہ میاں نواز شریف کو کچھ ہوا تو اس کی ذمہ داری عمران خان اورن کی کابینہ پر ہوگی ۔

 اگر عمران خان سمجھتے ہیں کہ سیاسی مخالفین کو انتقام کا نشانہ بنانے سے وہ اپوزیشن کی جماعتیں اپنے اصولی موقف سے پیچھے ہٹ جائیں گی تو یہ ان کی بھول ہے ۔ انہوں نے کہا کہ تحریک انصاف روزانہ کی بنیادوں پر مسلم لیگ ن کے خلاف انتقامی کاروائیاں کر رہی ہے، ان کو ملک و قوم سے کوئی سروکار نہیں بلکہ ان کا مقصد سیاسی مخالفین سے بدلہ لینا ہے ، احتساب کا نعرہ لگانے والے عمران خان اب اپنی ہمشیرہ علیمہ خان کی جائیدادوں کے بارے میں بھی قوم کو تفصیلات سے آگاہ کریں اور بتائیں کہ یہ جائیدادیں کونسے پیسے سے بنیں، قوم کو جھوٹ اور فریب میں رکھ کر اب تحریک انصا ف زیادہ دن حکومت نہیں کر سکتی،تحریک انصاف کی حکومت اب صرف چند دنوں کی مہمان ہے۔

Mallik Inam, secretary information, pmln, youth wing, france