برصغیر پاک وہند کے عظیم لیڈر قائد اعظم محمد علی جناح ؒ جنھوں نے معاشی اورمعاشرتی طور پر پسی ہوئی قوم کی تقدیر بلد کر رکھ دی، ملک عابد

پیرس؍اسلام آباد(ایس ایم حسنین) پاکستان تحریک انصاف فرانس کے نامزد صدر ملک عابد نے بانی پاکستان قائد اعظم محمد علی جناح ؒ کے 71ویں یوم وفات پر خراج تحسین پیش کرتے ہوئے کہا ہے کہ برصغیر کے عظیم لیڈر اورانسان کو سلام جس نے اپنے وقت میں ایک پسی ہوئی اور منتشر قوم کو ایک   نظریے پر جمع کیا اور آزادی کی منزل سے ہم کنار کر کے اسکی تقدیر بدل دی۔

ان کا کہنا تھا کہ آج بھی ہمیں بانی پاکستان قائد اعظم محمد علی جناح ؒ کے افکار سے راہنمائی حاصل ہوسکتی ہے۔ وہ بلاشبہ ایک عظیم بااصول انسان تھے جنہوں نے آئین وقانون کی حدود میں رہ کر ایک ایسی مثالی زندگی گزاری کہ آج بھی ان کے دامن پر ایک لمحے کیلئے بھی قانون توڑنے کی چھینٹ بھی نہیں ۔ یہ ایسی خوبی ہے جس نے انھیں برصغیر میں ممتاز مقام دلایا اور ہمیں ان کی شکل میں ایک عظیم راہنما میسر آیا جس نے ہمیں آزادی جیسی نعمت حاصل کرنے میں راہنمائی کی۔