چمن: چمن کے علاقے مال روڈ پر دھماکے سے تین افراد زخمی ہو گئے۔ لیویز حکام کے مطابق مال روڈ پر دھماکہ کراچی بس ٹرمینل کے قریب ہوا۔ دھماکہ خیز مواد موٹر سائیکل میں نصب کیا گیا تھا۔ دھماکے کے بعد موٹرسائیکل میں آگ لگ گئی۔ لیویز پولیس اور فرنٹیئر کانسٹیبلری (ایف سی) نے علاقے کو گھیرے میں لےکر ملزمان کی تلاش شروع کر دی جبکہ دھماکے کے بعد پاک افغان شاہراہ پر آمدورفت معطل ہو گئی۔ دھماکہ کی وجہ سے قریب موجود گاڑیوں اور دکانوں کو نقصان پہنچا جبکہ کراچی جانے والے کوچز کے شیشے ٹوٹ گئے۔ دھماکے کے بعد پولیس، لیویز اور ایف سی کی بھاری نفری موقع پر پہنچ گئی۔ جبکہ دوسری جانب بھارت کی سرحد سے15کلومیٹردور پاکستانی علاقے فورٹ عباس میں گولے گرنے کی اطلاعات ہیں اور نجی ٹی وی چینل آپ نیوز کاکہناہے کہ یہ گولے چولستان کے صحرا میں گرے جس میں کسی بھی قسم کا جانی نقصان نہیں ہوا۔ تاہم یہ گولے حال ہی میں گرنے کی سرکاری طورپر پاکستان کی طرف سے تصدیق نہیں ہوسکی۔ فورٹ عباس کے صحرا میں خول ملنے کے بعد میڈیا نے طرح طرح کی خبریں دیناشروع کردی ہیں اور سوشل میڈیا صارفین نے بھی ہنگامہ برپا کررکھاہے اور ایسی غیرمصدقہ اطلاعات بھی ہیں کہ ایل او سی کے اس پار موجود بھارتی فورسز نے شیل فائر کیے۔ کچھ صارفین صورتحال واضح کررہے ہیں اور ایک صارف نے لکھا کہ ” فورٹ عباس میں ایسا کچھ نہیں ہوا، یہ خول چک 248سے ملے جو کہ سرحد سے 6کلومیٹر کی دوری پر ہے‘‘۔ یادرہے کہ فورٹ عباس ضلع بہاولنگر کی تحصیل ہے اور پاک بھارت بارڈر کے قریب جنوبی پنجاب میں واقع ہے۔ جبکہ دوسری جانب سپریم کورٹ آف پاکستان نے قتل کیس کے مجرم اسماعیل پرویز منہاس کی بریت کی اپیل مستردکردی۔ تفصیلات کے مطابق سپریم کورٹ میں چیف جسٹس آصف سعیدکھوسہ کی سربراہی میں بنچ نے قتل کیس کے مجرم اسماعیل پرویز منہاس کی اپیل کی سماعت کی، چیف جسٹس پاکستا ن نے ریمارکس دیئے کہ چھوٹے سے جھگڑے پر 2 بندے قتل کر دیئے،مجرم اسماعیل پرویز کسی رعایت کا مستحق نہیں۔سپریم کورٹ نے ٹرائل کورٹ اورہائیکورٹ کی جانب سے سزائے موت کی توثیق کردی۔