counter easy hit

گل مکئ ایک ڈائری لکھتے لکھتے آکسفورڈ کی گریجویٹ بنی، ڈائری کی طاقت

دنیا کی سب سے کم عمر نوبیل انعام یافتہ پاکستان کی ملالہ یوسف زئی نے آکسفرڈ یونیورسٹی سے گریجویشن مکمل کرلی ہے۔

دنیا بھر میں ان کی کامیابی کو دوسروں سے زیادہ سراہا جا رہا ہے، کیونکہ تعلیم حاصل کرنے کے حق کے لیے آواز اٹھانے پر 8 سال پہلے طالبان نے ان پر قاتلانہ حملہ کیا تھا۔

22 سالہ ملالہ کے ڈگری مضامین میں فلسفہ، علم سیاسیات اور معاشیات شامل تھے۔ انھوں نے اس کی خوشی مناتے ہوئے اپنی دو تصاویر سوشل میڈیا پلیٹ فارم ٹوئٹر پر جاری کیں۔ ایک میں وہ رنگوں میں بھری ہوئی ہیں جس سے لگتا ہے کہ جشن مناتے ہوئے ان پر رنگ پھینکے گئے اور شاید ان کے ہاتھ کیک کی کریم سے بھرے ہوئے ہیں۔

دوسری تصویر میں وہ اپنے اہلِ خانہ کے ساتھ گھر میں کیک کاٹ رہی ہیں۔ ان کے والد ضیا الدین یوسف زئی مسکرا رہے ہیں، جب کہ ملالہ شکر گزار آنکھوں سے اپنی والدہ کو دیکھ رہی ہیں۔

Hard to express my joy and gratitude right now as I completed my Philosophy, Politics and Economics degree at Oxford. I don’t know what’s ahead. For now, it will be Netflix, reading and sleep. 😴 pic.twitter.com/AUxN55cUAf
— Malala (@Malala) June 19, 2020

ملالہ نے تصویریں پوسٹ کرتے ہوئے لکھا کہ میرے لیے اپنی خوشی اور احساس تشکر کو بیان کرنا مشکل ہے۔ میں نہیں جانتی کہ آگے کیا ہے۔ فی الحال تو صرف نیٹ فلکس، مطالعہ اور نیند ترجیح ہیں۔

ملالہ یوسف زئی کا تعلق خیبر پختونخوا کے خطے سوات سے ہے جہاں کئی سال تک ملا فضل اللہ کی سربراہی میں مقامی طالبان نے دہشت کا بازار گرم رکھا۔ ملا فضل اللہ بعد میں کالعدم تحریک طالبان کا سربراہ بنا۔

ملالہ یوسف زئی نے بی بی سی کی ویب سائٹ پر گل مکئی کے نام سے طالبان کے خلاف ڈائری لکھی اور لڑکیوں کی تعلیم روکنے پر احتجاج کیا۔ 2012 میں اسکول سے گھر آتے ہوئے ان پر فائرنگ کی گئی جس سے وہ شدید زخمی ہوئیں۔

انھیں ابتدائی علاج کے بعد برمنگھم روانہ کیا گیا جہاں ان کی جان بچالی گئی۔ اس کے بعد سے وہ اپنے اہلِ خانہ کے ساتھ وہیں مقیم ہیں۔ صحت یاب ہوتے ہی انھوں نے تعلیم کا سلسلہ بھی دوبارہ شروع کردیا تھا، جب کہ پاکستان اور دنیا بھر میں لڑکیوں کی تعلیم کے لیے پہلے سے زیادہ بلند آواز اٹھانا شروع کردی تھی۔ اس کے لیے انھوں نے ملالہ فنڈ کے نام سے فلاحی تنظیم بھی قائم کی۔

ملالہ کے ٹوئٹ پر دنیا بھر سے مبارکبادوں کا سلسلہ جاری ہوا اور کئی مشہور شخصیات نے پیغامات بھیجے۔ ان میں ناسا کی خلاباز این میک کلین شامل تھیں۔

این میک کلین نے لکھا، “ملالہ! آپ کو گریجویشن پر مبارک باد۔ بہت سے لوگوں کے لیے اعلیٰ تعلیم بڑے کام کرنے کا نقطہ آغاز ہوتی ہے۔ آپ کے لیے یہ لمحہ بڑے کام کرنے کے بعد آیا ہے۔ اور میں اندازہ لگا سکتی ہوں کہ آپ مستقبل میں اور بہت سے بڑے کام کریں گی۔ یہ دنیا خوش قسمت ہے کہ اس میں آپ موجود ہیں۔

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website