کراچی (ویب ڈیسک ) میزبان فیصل قریشی کے پروگرام میں اداکار فردوس جمال نے ماہرہ خان کو تنقید کا نشانہ بنا یا تو فلم انڈسٹری سے تعلق رکھنے والے افراد نے اس پر سخت رد عمل دیا ۔ لوگوں کی جانب سے میزبان فیصل قریشی کو فردوس جمال کے الفاظ کی مذمت نہ کرنے یا جواب میں کچھ بھی نہ کہنے پر شدید تنقید کا نشانہ بنایا گیا جس پر فیصل قریشی نے بھی اپنے ٹوئٹس میں موقف واضح کیاہے۔ انہوں نے لکھا کہ براہ راست شو میں ایسی باتیں ہوجاتی ہیں اور میں میزبان ہونے کی وجہ سے اپنے ملک کی ثقافت اور مثبت تصویر دکھانے کی بھرپور کوشش کرتا ہوں۔ یاد رہے کہ اداکارہ ماہرہ خان کے خلاف بیان کے بعد پاکستانی فلم انڈسٹری کی جانب سے تنقید کا سامنا کرنے والے فردوس جمال کے بیٹے حمزہ فردوس اپنے والد کی حمایت میں میدان میں اتر آئے۔ انہوں نے ٹوئٹر پر ٹوئٹ کرتے ہوئے لکھا کہ ’فردوس جمال نے اپنی زندگی کے 45 سال خون پسینہ لگا کر اور بغیر کسی سوشل میڈیا کے محنت کر کے اس انڈسٹری میں نام بنایا ہے جبکہ آج کل شہرت حاصل کرنے کے لئے سرجری، برانڈنگ اور مارکیٹنگ درکار ہوتی ہے۔انہوں نے اپنے والد کے حمایتی پیغام میں لکھا کہ انہیں کسی سے حسد یا بغض کی ضرورت نہیں وہ اپنے کام سے خود کو منوا چکے ہیں۔فردوس جمال کے اس بیان کے بعد سے ان کو عورت مخالف بھی کہا جارہا ہےتاہم ان کے بیٹے نے ان تمام باتوں کی تردید کرتے ہوئے لکھا کہ اگر وہ عورت مخالف ہوتے تو وہ اسی پروگرام میں دیگر اداکاراوں بشمول ثانیہ سعید ، صبا قمر اور مہو ش حیات کو نہ سراہتے۔جس پروگرام میں فردوس جمال نے ماہرہ سے متعلق بات کی ان کے بیٹے حمزہ فردوس بھی ان کے ساتھ موجود تھے، انہوں نے اپنے ٹوئٹ میں واضح کیا کہ انہوں نے خود ماہرہ خان کی تعریف کرتے ہوئے کہا تھا کہ ماہرہ خان ہماری انڈسٹری کا ایک بڑا نام ہیں اور وہ بین الاقوامی سطح پر ملک کی نمائندگی کرتی ہیں۔حمزہ فردوس نے اپنے ٹوئٹ میں ماہرہ خان کی نئی آنے والی فلم کے لئے نیک خواہشات کا اظہار کیا