سرگودھا (ویب ڈیسک) 6 اگست کو مریم نواز کی سرگودھا آمد اور ریلی نکالنے کیلئے مسلم لیگ ن کی جانب سے انتظامیہ کو باقاعدہ درخواست دی جا رہی ہے تاکہ ریلی کو کامیاب بنانے کیلئے اقدامات کئے جاسکیں۔ دوسری جانب ذرائع کا کہنا ہے کہ ریلی کی اجازت ملنا مشکل ہے تاہم انہیں کسی بھی گرائونڈ میں مشروط اجازت مل سکتی ہے۔ ریلی کے انعقاد سے قبل سرگرم کارکنوں کی گرفتاری کے امکان کو لیگیوں نے ظاہر کرتے ہوئے خود ساختہ رو پوشی اختیار کرنا شروع کر دی ہے۔ چند کارکنوں کی جانب سے سوشل میڈیا کا سہارا لیا جا رہا ہے۔ باقاعدہ طور پر لیگیوں کی جانب سے کسی قسم کی میٹنگز کی کال بھی سامنے نہیں آئی جس سے کارکنوں میں مایوسی ہے۔ ایف آئی کے مطابق مریم نواز 6 اگست کو سرگودھا میں ورکرز کنونشن سے خطاب کریں گی۔