life of Michelle Obama

ہالی ووڈ………امریکی صدر باراک اوباما اورخاتونِ اول مشیل اوبامہ کی پہلی ملاقات کی عکاسی کرتی نئی ہالی وڈ رومانٹک ڈرامہ فلمساؤتھ سائیڈ کا پہلا خصوصی کلپ جاری کر دیا گیاہے۔
ہدایتکاررچرڈ ٹینے کی اس فلم کی کہانی1989 کے ایک ایسے نوجوان کے گرِد گھوم رہی ہے جس کی اپنی مستقبل کی جیون ساتھی سے پہلی بار شکاگو کے ایک پارک میں ملاقات ہوتی ہے اور یہاں سے اس کی زندگی میں کامیابیوں کے ایک نئے سفر کا آغاز ہو جاتا ہے اور وہ مستقبل میں دنیا کا طاقتور ترین شخص بن جاتا ہے۔یہ نوجوان کوئی اور نہیں بلکہ امریکی صدر باراک اوباما تھے جو حیرت انگیز ذہنی ہم آہنگی اورپر کشش شخصیت کی مالک نوجوان مشیل سے پہلی ملاقات میں ہی ان کے دیوانے ہو گئے تھے اور اسی وقت اپنی پوری زندگی اس لڑکی کے ساتھ گزارنے کا تہیہ کر لیتے ہیں۔ گلینڈن پالمراوررچرڈ ٹینے نے مشترکہ طور پر پروڈیوس کیاہے جس میں اوباما کا کردار ہالی وڈ اداکار پارکر سوئیرنبھا رہے ہیں جبکہ مشیل کے کردار میں اداکارہ ٹِکاسمپٹرجلوۂ گر ہونگی جن کے علاوہ فلم کی دیگرکاسٹ میں ایلکس زیلنکا، جیروڈ ہیئنس، فریڈ نیئنس جونیئر، ڈونلڈ پال اورڈیانا ریڈ فوسٹر شامل ہیں۔دو غیر معمولی افراد کی محبت کی داستان کی عکاسی کرتی یہ بائیوپک فلم اسٹیٹ اسٹریٹ پکچرز کے تحت رواں سال سنیما گھروں کی زینت بنائی جائیگی۔