Lalyga Spain: Barcelona

میڈرڈ…..اسپینش لالیگا میں میسی کے شاندار دو گولز کی بدولت بارسلونا نے اسپورٹنگ جیجون کے خلاف تین ایک سے کامیابی حاصل کرلی۔ میسی تین سو لالیگا گولز کرنے کا اعزاز بھی حاصل کرلیا۔جیجون اسپین میں کھیلے گئے لالیگا کے میچ میں بارسلونا اور اسپورٹنگ جیجون کی ٹیمیں آمنے سامنے تھیں۔
بارسلونا کے اسٹرائیکرز میسی کی شاندار پرفارمنس نے جیجون کے فٹبالرز کو پریشان کئے رکھا ،کھیل کے پچیسویں منٹ میںمیسی نے پہلا گول کرکے اپنی ٹیم کو برتری دلادی ، یہ میسی کا لالیگا میں تین سو واں گول تھا۔جس کے بعد بارسلونا کی ٹیم پورے میچ میں چھائی رہی اور تین ایک سے کامیابی حاصل کرکے پوائنٹس ٹیبل پر پہلے نمبر پر پہنچ گئی۔میسی نے دو گول اسکور کئے،میسی نے جہاں لالیگا کےلئےتین سو گول مکمل کئے ،وہیں انہوں نے بارسلونا کے لئے تمام مقابلوں میں 439 گولز کرنے کا اعزاز بھی حاصل کرلیا۔لالیگا کے پوائنٹس ٹیبل پرایٹلیٹکو میڈرڈ دوسرے جبکہ ریال میڈرڈ تیسرے نمبر پر ہے۔