counter easy hit

شاہ سلمان کا دورہ روس؛ اربوب ڈالر کے دفاعی معاہدوں کا امکان

ماسکو: سعودی فرمانروا شاہ سلمان سرکاری دورے پر روس میں موجود ہیں اور اس دوران دونوں ملکوں کے درمیان اربوں ڈالر کے کئی سمجھوتوں پر دستخط کئے جائیں گے۔

King Salman Russia's visit; Possibility of Billion dollar defense agreementsبین الاقوامی میڈیا کے مطابق سعودی عرب کے بادشاہ روسی صدر ولادن پوٹین کی دعوت پر دورہ کررہے ہیں ۔اس دورے میں دونوں رہنماوں کے درمیان ملاقات کا ایجنڈہ  دوطرفہ دفاعی تعلقات کا فروغ سرفہرست ہے۔ سعودی وزیر خارجہ عادل الجبیر کا کہنا ہے کہ سعودی  عرب روس سے تعلقات کو انتہائی اہمیت دیتا ہے دونوں ممالک خودمختاری کے اصولوں ،دوستانہ روابط کے فروغ  چاہتے ہیں اور داخلی امور میں کسی قسم کی مداخلت  نہ کرنے کی پالیسی پر کاربند ہیں۔ انہوں نے کہا کہ سعودی شاہ کے دورہ ماسکو کا مقصد شدت پسندی کی روک تھام اور دہشت گردی کی تمام شکلوں سے نمٹنے کے چیلنجز کے ساتھ ساتھ خطے میں امن و امان کی صورتحال کو بہتر بنانے کےلیے مشترکہ حکمت وضع کرنا ہے۔

سعودی شاہ کے دورے کے موقع پردو طرفہ تجارت ،توانائی ،زراعت ، اقتصادی اور صنعتی شعبے میں دو طرفہ تعاون بڑھانے سمیت مختلف امور پر تبادلہ خیال کیا جائے گا ۔دونوں ممالک کے درمیان 10بڑے سمجھوتوں طے پانے کا امکان ہے جس سے باہمی تعلقات  کو مزید مستحکم کرنے کا موقع ملے گا۔