بے لگام ڈالر ریٹ اورمعیشت کو اندھے کنویوں میں دھکیلنے والے آخر بھاگ جائیں گے اور محب وطن شریف برادران اورانکی ٹیم کئی گنا محنت کیلئے جٹ جائیگی، خان یوسف

پیرس؍اسلام آباد(ایس ایم حسنین) پاکستان مسلم لیگ ن فرانس کے جنرل سیکرٹری خان یوسف نے کہا ہے کہ سلیکٹڈ حکومت ملک کی معیشت کیساتھ کھیل رہی ہے۔ ڈالر ریٹ نے کئی گنا قرضوں کا بوجھ معیشت پر چڑھا دیا ہے ۔

انہوں نے کہا کہ تاریخ کے بزدل ترین حکمران عمران خان آئی ایم ایف کے سامنے بچھ چکے ڈالر ریٹ کنٹرول نہ کرنے کی شرط مان کر انہوں نے پاکستان اورپاکستانی قوم کیساتھ بے انتہا بھونڈا مذاق کیا ہے جس سے ملک دھائیوں پیچھے جاچکا ہے ۔

ارباب اختیار کو اس حکومت سے جلد یا بدیر جان چھڑانی ہی پڑیگی اور پھر محب وطن شریف برادران اور ان کی ٹیم کو لانا پڑیگا جنہوں نے مفلوک الحال معیشت کو دنیا کی تیزی سے ترقی کرتی ہوئی معیشت بنا کر چھوڑا تھا مگر نیاز ی صاحب اور انکی ٹیم نے اس کا بیرا غرق کردیا ہے۔

انہوں نے کہا کہ پاکستان کی قسمت کے ساتھ نیازی جیسا وزیراعظم ایک مذاق ہے اور ارباب اختیار کو ایسے شخص کو سپورٹ نہیں کرنا چاہیے جو کہ اس قدر نااہل ہو کہ عالمی دبائو پر تیل وگیس کے زخائر بند کروادے اور عالمی مالیاتی ادارے کے کہنے پر اپنی معیشت کو ہی تباہ کرنا شروع کردے۔