وزیر اعلیٰ سندھ مراد علی شاہ نے کہا ہے کہ بجلی کے بریک ڈائون کے باعث عوام گرمی میں تڑپتے ہیں، فنی مسائل گرمیوں سے پہلے حل کرنے چاہیےتھے، کے الیکٹرک نے رمضان میں لوڈشیڈنگ کم کرنے کی یقین دہانی کرادی۔

K-Electric assurance to reduce load shedding in Ramazan

وزیراعلیٰ سندھ مراد علی شاہ سے کےالیکٹرک کےاعلیٰ وفد سے ملاقات کی۔انہوں نے کہا کہ لوڈ شیڈنگ کے باعث عوام پانی سے بھی محروم ہوجاتےہیں،میں چاہتا ہوں کہ یہ سارا نظام بہتر ہوجائے، اس کے لیے میری مدد درکار ہو تو میں حاضر ہوں۔ انہوں نے کراچی کے دیہی علاقوں کو مناسب طریقے سے بجلی مہیا کرنے اور الیکٹر یفکیشن کا کام جلد مکمل کرنے کی ہدایت کی ہے۔ انہوں نے صنعتی علاقوں،پمپنگ اسٹیششنزپر بجلی کی فراہمی کا نظام بھی مزید بہتر کرنے کی ہدایت کی ہے۔ ترجمان وزیراعلیٰ سندھ کا کہنا ہے کہ کراچی الیکٹرک نے وزیراعلیٰ سندھ کو بجلی کی ہموار فراہمی کا یقین دلایاہے۔