اسلام آباد میں بچے کو پولیو کے قطرے پلانے سے انکار کرنے پر والد کے خلاف تھانہ آبپارہ میں مقدمہ درج کر لیا گیا۔ مقدمہ کار سرکار میں مداخلت کے باعث درج کیا گیا۔
Islamabad: registered case against father on refuse to baby polio drops
اسلام آباد: وفاقی دارالحکومت میں پولیو ٹیم سیکٹر جی سیون ٹو کے رہائشی حرب دل شجاع کے گھر بچے کو پولیو کے قطرے پلانے پہنچی۔ بچے کو پولیو کے قطرے نہ پلانے کے اصرار پر پولیو ٹیم کی شکایت پراسسٹنٹ کمشنر ان کے گھر پہنچے اور بچے کے والد کو قائل کرنے کی کوشش کی۔ بچے کے والد کی جانب سے مسلسل اس بات پر تکرار کیا گیا کہ وہ اپنے بچے کو پولیو قطرے پلانے پر کسی صورت تیار نہیں ہے۔ والد کی مسلسل انکار پر پولیس نے اس کے خلاف کار سرکار میں مداخلت کا مقدمہ درج کر لیا۔ مقدمہ تھانہ آبپارہ میں درج کیا گیا۔ مقدمے میں پولیو ٹیم کو دھمکیاں دینے اور کار سرکار میں مداخلت کی دفعات شامل کی گئی ہیں۔
About MH Kazmi
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
