اقوام متحدہ (ویب ڈیسک) ایران کے صدر حسن روحانی اقوام متحدہ کی جنرل اسمبلی اجلاس میں شرکت کیلئے نیویارک پہنچ گئے ہیں تاہم نیویارک میں ایرانی صدر کی نقل وحرکت پر پابندی ہو گی اور انہیں شہر کے بیشتر حصے میں جانے کی اجازت نہیں ہے۔ ایرانی صدر پر اسی قسم کی سفری پابندی ہے

جیسا کہ اقوام متحدہ میں ایرانی مشن کے اسٹاف پر عائد ہے۔ امریکی صدر ڈونلڈ ٹرمپ نے کہا ہے کہ اقوام متحدہ کے اجلاس کے حاشیے پر ایرانی صدر روحانی سے ملاقات خارج ازمکان نہیں لیکن اب تک ملاقات کا وقت طے نہیں کیا۔ فرانسیسی صدر ٹرمپ اور روحانی کی ملاقات کرانے کیلئے سرگرم ہے، فرانسیسی صدر ایمانوئل میکغوں نے اقوام متحدہ کی جنرل اسمبلی کی سائیڈلائنز پر اپنے ہم منصبوں ڈونلڈ ٹرمپ اور حسن روحانی سے علیحدہ علیحدہ ملاقات کا اعلان کردیا ہے۔ یاد رہے کہ ایرانی صدر حسن روحانی نے کہاہے کہ جوہری معاہدے سے نکل کر امریکا تنہا ہوگیا ہے۔غیرملکی خبررساں ادارے کے مطابق اقوام متحدہ کی جنرل اسمبلی اجلاس میں شرکت کیلئے نیویارک روانہ ہونے سے قبل اپنے بیان میں حسن روحانی نے کہاکہ امریکا اپنی سخت پابندیوں سے ایران پرشدید دباو? ڈالنے میں ناکام رہا ہے۔انہوں نے مزید کہاکہ ایرانی عوام نے امریکی پابندیوں کی کامیابی سے مزاحمت کی ہے، جوہری معاہدے سے نکل کر امریکا تنہا ہو گیا ہے۔ایرانی صدر نے یہ بھیکہاکہ امریکا ،ایران کے پہلے سے بلیک لسٹ کیے ہوئے اداروں پر پابندیاں لگا رہا ہے، یہ اس بات کا مظہر ہے کہ امریکا ایران پر اپنا دباو ڈالنے میں ناکام رہا ہے۔ان کا کہنا تھاکہ اقوام متحدہ کی جنرل اسمبلی اجلاس میں خلیج کے امن کے لیے ایک اتحاد کی تجویز پیش کریں گے، جس میں خلیج فارس اور آبنائے ہرمز کے تمام ممالک کو شمولیت کی دعوت دیں گے۔انہوں نے کہا کہ ایرانی جوہری معاہدے سے نکل کر امریکا کو کوئی کامیابی نہیں ملی، دنیا کے بیشتر ممالک نے امریکی اقدام کی مخالفت کی ہے۔