اسلام آباد(ایس ایم حسنین) امریکہ ایران پر زیادہ سے زیادہ دبائو کا نتیجہ اسکی عالمی سطح پر تنہائی کی صورت میں میں سامنے آچکا ہے۔ یہ بات اسلام آباد میں ایران کے سفیر سید محمد علی حسینی نے اپنے ٹوئٹر پیغام میں کہی۔ ان کا کہنا تھا کہ وائٹ ہاؤس ایران پر زیادہ سے زیادہ دباؤ کے نتیجے میں مکمل طور پر الگ تھلگ ہو رہا ہے ۔ان کا کہنا تھا کہ امریکہ بین الاقوامی قانون اور ضابطہ کو چیلنج کرتے ہوئے ایران کی مخالفت میں کوئی کثیر الجہتی مقام نہیں حاصل کرسکتا۔ ایک بارپھر وہائٹ ہائوس طاقت اور دھونس کی شکست خوردہ زبان کا سہارا لے رہا ہے۔