پشاور: پاکستان تحریک انصاف کے ذرائع کا کہنا ہے کہ اپوزیشن کے اعتراض پر نگراں وزیراعلیٰ خیبرپختونخوا کے لیے منظورآفریدی کا نام مسترد کر دیا گیا ہے اور عمران خان نے پرویز خٹک کو نگراں وزیراعلیٰ کے لئے دوسرا نام دینے کی ہدایت بھی کردی ہے۔
تفصیلات کے مطابق گزشتہ روز اسمبلی کے اجلا س میں اپوزیشن کی جانب سے نگراں وزیراعلیٰ خیبرپختونخوا کے لیے منظورآفریدی کے نام پر اعتراض اٹھا یاگیاتھا۔جس کے بعد عمران خان نے منظور آفریدی کا نام مسترد کرتے ہوئے پرویز خٹک کو دوسرا نام دینے کی ہدایت کردی تھی۔پاکستان تحریک انصاف کے رہنما شوکت یوسفزئی کا کہنا تھا کہ ہم اپوزیشن سے مشاورت کے لئے تیار ہیں ہمار ی طرف سے منظور افرید ی کا نام فائنل ہے اگر اپوزیشن اپنا کوئی نام سامنے لانا چاہتی ہے تو ہم بات چیت کے لئے تیار ہیں۔
