counter easy hit

’’ ووٹ نہ دیا تو شادی ختم ‘‘ پاکستان کے اہم ترین حلقہ میں ووٹروں سے ووٹ لینے کی خاطر کس طرح قرآن پا پر ہاتھ رکھوا کر حلف لیے جا رہے ہیں؟ جان کر آپ بھی ہکا بکا رہ جائیں گے

پشاور; صوبہ خیبرپختونخوا کے قبائلی اضلاع کے مختلف حلقوں میں اس بات کا انکشاف ہوا ہے کہ وہاں انتخابی امیدوار ووٹرز کو رشوت دے رہے ہیں اور غریب عوام کو رقم دے کر اس بات کو یقینی بنا رہے کہ وہ انتخابات میں ان کے حق میں ووٹ دیں۔ذرائع کے مطابق پشاور،

مردان، صوابی اور خیبر پختونخوا کے مختلف حلقوں میں ووٹ خریدنے کا رجحان پروان چڑرہا ہے اور ان علاقوں میں امیدوار ووٹرز کی توقعات پورا کرنے کے لیے مختلف طریقے اپنا رہے ہیں۔ڈان اخبار کی رپورٹ کے مطابق ووٹرز کو رشوت کے طور پر نقد یا قسم دینے سے بات مکمل نہیں ہوجاتی، چالاک امیدوار نہ صرف ووٹرز سے قرآن کا حلف لے رہے بلکہ انہیں اس بات کا پابند کرکے قسم بھی لے رہے ہیں کہ اگر انہوں نے ان کے حق میں ووٹ نہیں دیا تو ان کی قانونی شادی باطل ہوجائے گی۔اس حوالے سے انتخابات کا بائیکاٹ کرنے والے صہبت خان نے بتایا کہ ’ ووٹرز کو ادائیگی کے بعد امیدوار ووٹ دینے کے لیے ان سے قرآن پر حلف لیتے لیکن اس کے باوجود بھی کسی چیز کی ضمانت نہیں ہے، جس کے باعث یہ لوگ سماجی، ثقافتی اور مذہبی اہمیت کی لحاظ سے بھی ان پر دباؤ ڈالنے کی کوشش کرتے ہیں‘۔انہوں نے کہا کہ امیدوار ووٹرز یہ وعدہ لیتے ہیں کہ اگر وہ انہیں ووٹ نہیں دیں گے تو ان کی شادی منسوخ ہوجائے گی اور ان کی بیویوں کو طلاق ہوجائی گی۔صہبت خان نے شکوہ کیا کہ ان تمام صورتحال کے باوجود ریٹرننگ افسران کی جانب اب تک کوئی نوٹس نہیں لیا گیا

اور نہ ہی کوئی ضابطہ اخلاق کی وجہ سے پریشان ہے۔انہوں نے الزام لگایا کہ امیدواروں کی جانب سے انتخابی قوانین کی دھجیاں اڑائی جارہی ہیں اور یہاں تک ہورہا ہے کہ کچھ امیدوار روزانہ کی بنیاد پر ووٹرز میں 4 لاکھ روپے تک کی خوراک تقسیم کر رہے ہیں۔واضح رہے کہ الیکشن ایکٹ 2017 کے مطابق قومی اسمبلی کے لیے انتخابی امیدوار 40 لاکھ روپے تک اپنی انتخابی مہم پر استعمال کرسکتا ہے جبکہ صوبائی اسمبلی کے امیدوار 20 لاکھ روپے تک استعمال کرسکتا ہے۔اس حوالے سے مختلف ذرائع سے جمع ہونے والی معلومات اور ووٹرز کے انٹرویوز سے یہ بات سامنے آئی سیاسی جماعتوں یا آزاد حیثیت میں انتخابات میں حصہ لینے والے امیدوار ووٹرز سے سودا کرنے لیے اپنے ’ فرنٹ مین ‘ کا استعمال کرتے ہیں اور امیدواروں نقد، سامان یا کمیونٹی سہولیات کی صورت میں ادائیگی کرتے ہیں۔انتخابات میں حصہ لینے والے امیر امیدوار کنواں کھود کر دینے، گلیاں بنانے، سولر پینل تقسیم کرنے، پنکھے یا فلاحی اداروں کو بھاری رقوم کی ادائیگی کرنے، مساجد، مدارس، مزارات یا دیگر مذہبی مقامات پر عطیات کے نام پر ادائیگی کرنے کی پیش کش کرتے ہیں۔حیران کن بات یہ ہے کہ امیدوار کاغذات نامزدگی جمع کرانے کے بعد مزارات، خیراتی اداروں اور مساجد کے لیے عطیات دینے کا آغاز کرتے ہیں۔دوسری جانب ووٹرز خاص طور پر غریب اور کم پڑھے لکھے افراد انتخابات کو جمہوری نمائندگی کے طور پر نہیں دیکھتے بلکہ یہ ان کے لیے موقع ہوتا ہے کہ وہ ووٹ فروخت کرکے انتخابی عمل میں اپنا حصہ ڈالنے کا دعویٰ کرسکیں۔