حکومت غریبوں کے مسیحا عظیم قائد میاں محمد نواز شریف کو اور کتنے دن جیل میں رکھے گی، حاجی مزمل حسین

پیرس(نمائندہ خصوصی) مسلم لیگ ن فرانس کے وائس چیئرمین حاجی مزمل حسین نے میاں محمد نواز شریف کے عدالتی ٹرائل کو تنقید کا نشانہ بناتے ہوئے کہا ہے کہ ملک کی چالیس سال خدمت کرنے والے عظیم لیڈر کو عوام کی امیدیں واپس بلا رہی ہیں ۔

انہوں نے کہا کہ ظلم کے نظام سے غریبوں کے مسیحا کو اور کتنے دن پابند سلاسل رکھا جاسکتے گا حق تو حق ہے وہ سامنے آکر رہے گا۔ حکومت اور ان کے حواری قوم کے خادموں کو پابند سلاسل کر کے اور رکاوٹیں ڈال کر بھی اپنی اہلیت ثابت نہیں کر سکے۔ اب وقت آگیا ہے کہ حق سامنے آئے گااور ان لوگوں کو بہا کر لے جائے گا۔