گوجرانوالہ: ایمن آباد کے قریب ٹرک کی ٹکر سے دو خواجہ سراء زخمی ۔ زخمی خواجہ سرائوں کے تیسرے ساتھی نے ڈرائیور کی جوتوں سے دھنائی کر دی ۔خواجہ سراء شبنم ، پنکی تیار ہو کر اپنے دیگر خواجہ سرائوں کے ہمراہ چنگ چی رکشہ پر سوار ہو کر شیخوپورہ روڈ پر فنکشن پر جا رہے تھے ۔ ایمن آباد کے قریب ٹرککی ٹکر سے چنگ چی رکشہ میں سوار خواجہ سراء نیچے گر گئے جس سے دو خواجہ سراء شبنم اور صائمہ زخمی ہو گئے ، انہیں طبی امداد کے لیے سول ہسپتال منتقل کر دیا گیا ۔ زخمی خواجہ سرائوں کے ساتھیوں نے ٹرک کو جی ٹی روڈ پر روک لیا اور ٹرک ڈرائیور پر جوتوں کی بارش کر دی ۔ خواجہ سراء کافی دیر تک ٹرک ڈرائیور کی دھنائی کرتے رہے جس کے باعث جی ٹی روڈ پر ٹریفک بلاک ہو گئی تاہم وہاں موجود شہریوں نے بیچ بچائو کروا کر ٹرک ڈرائیور کی خواجہ سرائوں سے جان بخشی کروائی ۔