Government of India responded aggressively, Malik

سینیٹر رحمان ملک نے کہا ہے کہ حکومت جارحانہ پالیسی اختیار کرکے بھارت کو جواب دے کیونکہ لاتوں کے بھوت باتوں سے نہیں مانتے۔

پارلیمنٹ کے مشترکہ اجلاس سے خطاب کرتے ہوئے رحمان ملک نے بھارتی وزیر اعظم نریندر مودی کو دہشت گردوں کا سرغنہ قرار دیتے ہوئے کہا کہ ہندوستان پاکستان میں دہشت گردی برآمد کرنے کا ذمہ دار ہے۔

انہوں نے کہا کہ امریکی قرارداد تو 48 گھنٹوں میں منظور ہو جاتی ہے اور اس پر عمل درآمد بھی ہو جاتا ہے، لیکن کشمیر پر منظور قراردادوں پر کئی دہائیو ں میں بھی عمل درآمد نہیں ہوا ہے۔

امت مسلمہ کی جانب سے بھی مسئلہ کشمیر کے حوالے سے کوئی دباو نہیں ڈالا جا رہا ہے۔ رحمان ملک نے کہا کہ کشمیر کی صورتحال کو پاک چین اقتصادی راہداری سے الگ کر کے نہ دیکھا جائے۔