Gas crisis: halt CNG business in Multan

ملتان (یس اردو نیوز) گیس کے بحران کی وجہ سے سی این جی کا کاروبار ٹھپ ہو کر رہ گیا ہے، ملتان ریجن کے137کے قریب سی این جی اسٹیشن بند ہوگئے ہیں۔

ملتان ریجن کے 220میں سے صرف 83سی این جی اسٹیشن کھلے ہیں،جن کی بندش بھی شروع ہوگئی ہے ،جس کے باعث اس کاروبار سے وابستہ ہزاروں افراد کا روزگار متاثر ہوگیا ہے ۔

سی این جی اسٹیشنز کے مالکان کا کہنا ہے کہ بےجا ٹیکس کے باعث 83کھلے اسٹیشن بھی بند ہونا شروع ہوگئے ہیں ،سی این جی سیکٹرکےبحران کوایل این جی کی فراہمی سے بھی ختم نہیں کیا جاسکا ہے۔

ان کا مزید کہناتھاکہ گیس بحران کی وجہ سےسی این جی سےوابستہ افراد کاکاروبارٹھپ ہوگیا ہے، ایل این جی کی فراہمی بھی آدھا دن کی جارہی ہے۔

ملتان ریجن میں ڈی جی خان،لیہ،مظفرگڑھ ،خانیوال،وہاڑی اورلودھراں شامل ہیں،ایک سی این جی سے 50 افراد براہ راست جبکہ ڈیڑھ سے 2 سو افراد بلاواسطہ وابستہ تھے،بند ہونے والے 137سی این جی اسٹیشنز کے باعث تقریباً 27ہزار افراد متاثر ہوئے ہیں