اسلام آباد( مانیٹرنگ ڈیسک) جاناں ملک پاکستانی ڈرامہ انڈسٹری کا وہ نام ہے جس سے بچہ بچہ واقف ہے، یہ پاکستان ڈرامہ انڈسٹری میں اس وقت سے کام کر رہی ہیں، جب صرف قومی چینل ہوا کرتا تھا ، لیکن اب جاناں ملک نے ایسا کام شروع کر دیا ہے کہ مداح بھی حیران رہ گئے ہیں، اداکارہ نے دورِ حاضر تقاضوں کے مد نظر رکھتے ہوئے یہ کام آن لائن شروع کیا ہے۔

تفصیلات کے مطابق پاکستانی اداکارہ جاناں ملک نے نیا کاروبار شروع کیا ہے جو کہ بیکری کا ہے، 35 سالہ اداکارہ نے بیکنگ کو صحیح طریقے سے سیکھنے اور اپنی صلاحیتوں کی کھوج لگانے کا فیصلہ کیا، اس حوالے سے جانا ملک کا کہنا تھا کہ “میں نے ایس سی اے ایف اے سے پروفیشنل پیٹریسیری میں ڈپلوما حاصل کیا، شروع شروع میں یہ سفر ڈونٹس بنانے سے شروع ہوا جو آہستہ آہستہ پیسٹری ، کپ کیک اور کیک بنانے تک پہنچ گیا۔ اداکاری کے حوالے سے گفتگو کرتے ہوئے جاناں ملک کا کہنا تھا جب میں نے اپنا پہلا فوٹو شوٹ کرایا تو وہ 25 سال کی تھیں۔ انہوں نے کہا ، “اداکاری کرنا میرے لئے کام نہیں ، اداکاری زندگی ہے لہذا ہمیشہ ایسا ہی ہوتا رہتا ہے۔” ابھی کے لئے میں نے اپنی آن لائن بیکری کو سنبھالنے کے لئے اداکاری سے وقفہ لیا ہے۔جاناں ملک کے مطابق وہ اپنی بیکری کی مصنوعات کی تیاری کے لیے ایسے اشیاء کا استعمال کرتی ہیں جو حفظان صحت کے اصولوں کو مدنظر رکھ کر بنائے جاتے ہیں، میں جانتی ہوں کہ یہ میرا شوق ہے اور ان کیکوں کی تیاری میں مجھے بہت سارا وقت درکار ہوتا ہے، لیکن میں پھر بھی یہ کام کر رہی ہوں۔ جاناں ملک نے مداحوں کی اس میدان میں بھی سپورٹ کا شکریہ ادا کرتے ہوئے کہنا تھا کہ مجھے بہت سے مداحوں کے فون کالز آرہے ہیں جو کہ مجھے آرڈر دے رہے ہیں۔