Faisalabad fog tanker overturned on bike, kills 2
فیصل آباد میں دھند کے باعث آئل ٹینکر موٹر سائیکل پر الٹ گیا۔جس سے موٹرسائیکل پر سوار دو پولیس اہلکار موقع پر ہی جاں بحق ہوگئے۔ حادثے کے بعد آئل ٹینکر کا ڈرائیور فرار ہوگیا۔
پولیس کے مطابق حادثہ ستیانہ روڑ پر اس وقت پیش آیا جب دھند کے باعث ایک آئل ٹینکر نے مخالف سمت سے آنے والی گاڑی کو بچاتے ہوئے تیز رفتاری کے باعث موٹرسائیکل پر الٹ گیا۔
جس سے موٹرسائیکل پر سوار دو پولیس اہل کار دب کر موقع پر جاں بحق ہوگئے۔ پولیس کے مطابق جاں بحق دونوں پولیس اہل کار رفیق اور مبارک معمول کے گشت پر تھے۔
حادثے کے بعد آئل ٹینکر کا ڈرائیور فرار ہوگیا جس کی تلاش جاری ہے۔
Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276
