پیرس کی فضائیں جیوے جیوے پاکستان، پاک فوج زندہ آباد، یہ جو سوہنی دھرتی ہے اس کے پیچھے وردی ہے کی صدائوں سے گونج اٹھیں، ایفل ٹاور پر پشتون آرگنائزیشن فرانس اور ای یو پاک فرینڈشپ کے زیر اہتمام عظیم الشان پاکستان زندہ آباد ریلی کا انعقاد

پیرس(نمائندہ خصوصی) خوشبوئوں کا شہر پیرس جیوے جیوے پاکستان اوریہ جوسوہنی دھرتی ہے اس کے پیچھے وردی ہے کے نعروں سے گونج اٹھا۔۔ تفصیلات کے مطابق پشتون آرگنایزیشن فرانس کے انعام اللہ پشتون  اور ای یو پاک فرینڈ شپ فورم کے جنرل سیکرٹری صاحبزادہ عتیق کے زیر اہتمام عظیم الشان پاکستان زندہ آباد ریلی کا انعقاد کیا گیا  جو کہ عظیم الشان مظاہرہ میں تبدیل ہوگیا۔مظاہرے سے پشتون راہنمائوں اور صاحبزادہ عتیق نے خطاب کیا جس سے مظاہرے میں شریک پاکستانیوں کا جوش و ولولہ عروج پر پہنچ گیا۔

یس اردو نیوز سے بات چیت کرتے ہوئے جنرل سیکرٹری ای یو پاک فرینڈ شپ فورم صاحب زادہ عتیق نے کہا کہ الحمد اللہ ! میرے مولا نے ہمیں سرخرو کیا۔ پاکستان زندہ باد ، پاک فوج زندہ باد کا ہر نعرہ غداروں اور ٹاؤٹوں کے لئے صورِ اسرافیل کے مترادف ہے۔

مظاہرے سے خطاب کرتے ہوئے پاک ای یو فریند شپ کے جنرل سیکٹری صاحبزادہ عتیق نے کہا کہ تمام پنجاب، کشمیری، بلوچی، پشتون سندھی بھائی مبارکباد کے مستحق ہیں کہ وہ آج پاکستان کی محبت میں تشریف لائیں ہے۔ یاد رکھیں یہ مظاہرہ ہر پاکستانی کا مظاہرہ ہے ۔ یہ ہر پاکستانی کیلئے ہے ۔ سندھی ہو ، بلوچی ہو، پنجابی ہو ، پشتون یا پنجابی اس کی رگوں میں جو خون ہے وہ پاکستانی خون ہے۔ جوپشتون پاکستان کیخلاف سازشیں کر رہے ہیں وہ سن لیں کہ پشتون کبھی کسی کے ساتھ غداری نہیں کرسکتا۔ اور جو غداری کرتا ہے وہ کبھی پشتون نہیں ہوسکتا۔

ہم پی ٹی ایم کو پرامن نہیں مانتے یہ صدی کا سب سے بڑا جھوٹ ہے۔ انہوں نے کہا کہ رب العالمین پاکستان اورپاکستانیوں کا محافظ ہے پی ٹی ایم چند موقع پرست لوگوں کا جھتا ہے جو را اور موساد اورسی آئی اے کے ایجنڈے پر عمل کرتے ہوئے پاکستان اورپاک فوج کیخلاف سازشوں میں مصروف ہے انشااللہ اللہ رب العالمین ان کو جلد بے نقاب کریں گے اور پاکستان اورپاک فوج کو سرخرو کریں گے