Dr. Naveed

ننکانہ صاحب(محمد قمر عباس)سیکرٹری لٹریسی ڈاکٹر نوید احمد چوہدری کاسستے رمضان بازارننکانہ ،موڑکھنڈا اور واربرٹن کا دورہ ۔حکومت پنجاب کی خصوصی ہدایت پر رمضان المبارک میں عوام الناس کو چینی،آٹا،گھی سمیت دیگر اشیاء سستے داموں فروخت کی جارہی ہیں ضلع بھر کے رمضان بازاروں میں معیاری اشیاء عام مارکیٹ سے 10%سستی دستیاب ہیں۔ان خیالات کا اظہار سیکرٹری لٹریسی ڈاکٹر نوید احمد چوہدری نے ننکانہ ،موڑکھنڈا اور واربرٹن میں قائم رمضان بازار وں کے دورے کے دوران کیا۔سیکرٹری لٹریسی ڈاکٹر نوید احمد چوہدری نے سبزیوں،پھلوں کے علاوہ چکن اور مٹن کے سٹالز بھی چیک کیے اور انچارج رمضان بازاروں کو ہدایات جاری کیں کہ وہ چینی سمیت تمام اشیاء کی دستیابی کو یقینی بنائیں اور عوامی شکایات کا فوراً سدباب کریں۔ تاکہ خدمت کے معیار کو مزید بہتر بنایا جاسکے۔سیکرٹری لٹریسی نے رمضان بازاروں میں موجود شکایات رجسٹرز کا جائزہ لیا اور انچار ج رمضان بازاروں کو ہدایات جاری کیں کہ وہ عوامی شکایات کا فوراً ازالہ کر کے عوامی خدمت کے معیار کو بہتر سے بہتر بنائیں۔