لاہور (نیوز ڈیسک ) سینئر صحافی و تجزیہ کار چوہدری غلام حسین نے دعویٰ کیا ہے کہ نواز شریف اور مریم نواز نے 3 ارب ڈالر کی ادائیگی کردی ہے اور مزید 3 ارب ڈالر دینے کو تیار ہیں، نواز شریف نے جب مریم نواز سے پوچھا کہ 3 ارب ڈالر کے باوجود میری ضمانت نہیں ہورہی ایسا کیوں؟ تم لوگ مجھے مُری کی باتیں سناتے ہو، میں پتہ نہیں کس کی موت مر جاؤ گا، تم اے پی سی میں کیوں گئی؟ اپنے اللے تللوں میں لگے ہوئے ہو۔نجی ٹی وی جی این این کے پروگرام میں گفتگو کرتے ہوئے چوہدری غلام حسین نے کہا کہ مریم نواز نے جمعرات کو جیل میں اپنے والد نواز شریف سے ملاقات کی۔ مریم نواز نے یہ کہا ہے کہ ہمارے غیر ملکی آقاﺅں اور دوستوں نے 3 ارب ڈالر دے دیے ہیں، لیکن انہوں نے کہا ہے کہ جب تک دوسرا تین ارب ڈالر نہیں آتا تب تک بات نہیں بنے گی۔’ مریم نے کہا کہ 3 ارب ڈالر ہماری طرف سے ادا ہوگئے ہیں۔ نواز شریف نے کہا کہ پھر میری ضمانت کیوں نہیں ہوئی تو مریم نے انہیں کہا کہ ابھی ہم نے تین ارب ڈالر مزید دینے ہیں۔‘چوہدری غلام حسین نے دعویٰ کیا کہ نواز شریف نے مریم نواز سے اے پی سی میں شرکت کے حوالے سے بھی بات کی ۔ مریم سے نواز شریف نے کہا کہ میں تو ادھر مرجاﺅں گا تم لوگ اپنے اللے تللوں میں لگے ہوئے ہیں، تم مجھے مرسی کی باتیں سناتی ہو، مجھے پتہ نہیں لگ رہا کہ میں کس کی موت مر جاﺅں گا۔ مریم نواز نے اپنے والد سے کہا کہ وہ اس لیے اے پی سی میں گئیں کیونکہ وہ بطور لیڈر گرو کر رہی ہیں اور لوگ انہیں قبول کر رہے ہیں۔مریم نواز نے سینئر صحافی کے اس دعویٰ پر مبنی ویڈیو کو ری ٹویٹ کرتے ہوئے بطور رد عمل ایک قہقہہ لگایا ہے۔