counter easy hit

پاک افغان تجارت میں پیش قدم خوش آئند، چین اس اقدام کے حق میں ہے،

اسلام آباد(یس اردو نیوز) پاکستان اورافغانستان کے درمیان تجارتی تعلقات خوش آئںد ہیں ۔ چین دونوں ملکوں کی جانب سے کوروناوائرس کی وبا کے اثرات پر قابو پانے کے بعد تجارتی تعلقات کی بحالی کو سراہتا ہے۔ چین کی وزارت خارجہ کی ترجمان ہوا چنینگ نے بیجنگ میں معمول کی میڈیا بریفنگ کے دوران کہا کہ چین دونوں ملکوں کے درمیان بہتر تعلقات دیکھنا چاہتا ہے اور ان کی اقتصادی ترقی کا خواہاں ہے۔ انہوں نے کہا کہ ہم اس سلسلے میں تعمیری کردار ادا کرنے کے خواہاں ہیں۔ ترجمان نے کہا کہ ہمیں خوشی ہے کہ گوادر کی بندرگاہ اور سی پیک کے دوسرے منصوبے مثبت کردار ادا کررہے ہیں اور ہم اس سلسلے میں پاکستان اور افغانستان دونوں کے ساتھ ملکر کام کرنا چاہتےہیں۔ پاکستان نے گزشتہ چند ہفتوں میں افغانستان کے ساتھ دوطرفہ اور راہداری تجارت کےلئے پانچ اہم راستے کھول دئیے ہیں جس کا مقصد جنگ سے تباہ حال افغانستان میں تجارتی سرگرمیوں کو فروغ دینا ہے۔ یہ سرحدی راستے اب ہفتے میں چھ دن چوبیس گھنٹے کھلے رہتے ہیں تاکہ سرحد پار تجارت کو فروغ دیا جاسکے جو کوروناوائرس کی وبا کےباعث دونو ں ملکوں میں متاثر ہوئے تھے۔

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website