counter easy hit

یوم دفاع لازوال قربانیوں کی یاد دلاتا ہے، یہ طے شدہ بات ہے کہ اللہ کے انعام کو زوال نہیں آسکتا، چوہدری سلیم بوہڑہ

پیرس ( نمائندہ خصوصی) پاکستان تحریک انصآف کے سینئر راہنما چوہدری سلیم بوہڑہ نے کہا ہے کہ پاکستان اللہ کا انعام ہے اور اللہ کے انعام کو زوال نہیں اآسکتا۔ ستمبر 1965 ہمیں لازوال قربانیوں کی یاد دلاتا ہے۔ جب سازشوں سے کچھ نہ ہو سکا تو دشمن نے طاقت کو آخری حربے کے طورپر استعمال کیا لیکن وہ یہ بھول گیا کہ پاکستان محض حادثاتی طور پر معرض وجود میں نہیں آیا بلکہ لاکھوں شہداء کی قربانیوں کے صلے میں اللہ نے عطا فرمایا ہے جیسے شہید ؛ حیاتِ جاودانی کا تمغہ اپنے سینے پر سجاتا ہے اسی طرح اس کے لہو میں بھی خدا نے یہ تاثیر رکھی ہے کہ وہ جس کی بنیادوں میں شامل ہو جائے اسے بھی زوال کے زنگ سے آلودہ نہیں ہونے دیتا ۔
کسی بھی ملک میں امن ،معیشت اور خوشحالی اس وقت آ سکتی ہے جب اس ملک کی سرحدیں مضبوط ہوں ۔ سرحدوں کی مضبوطی مضبوط کڑیل جوانوں کے مضبوط حوصلوں کی مرہون منت ہوتی ہے ۔ صد شکر ہے کہ پاکستان کی ترقی، خوشحالی ، مضبوط معیشت اور پرامن ہونے میں افواج پاکستان کا شروع سے مثالی اور قابل تحسین کردار چلا آ رہا ہے ۔ اس کی بنیادی وجہ اسلام سے وابستگی ہے جس نے ہماری بہادر افواج کے جانبازوں اور سرفروشوں کو اسلامی ریاست پر قربان ہو جانے جذبہ اور باہم متحد رہنے کا سبق دیا ہے ، یہی وہ مبارک جذبہ تھا جس کی بنیاد پر ہم کل تک ناقابل شکست قوم رہے اور اسی جذبے کی بدولت ہی ہم آئندہ ناقابل شکست قوم باقی رہ سکتے ہیں ۔

 

CHAUDHRY SALEEM BORA, SENIOR, LEADER, PTI, FRANCE, ON, 6TH, SEPTEMBER, DEFENSE, DAY, 2018

About MH Kazmi

Journalism is not something we are earning, it is the treasure that we have to save for our generations. Strong believer of constructive role of Journalism in future world. for comments and News yesurdu@gmail.com 03128594276

Connect

Follow on Twitter Connect on Facebook View all Posts Visit Website