پنجاب حکومت کی طرف سے 1000بستروں پرمشتمل ہسپتال انتہائی قابل فخر کارنامہ ہے، چوہدری ماجد چیمہ
پیرس؍اسلام آباد(ایس ایم حسنین) پاکستان تحریک انصاف فرانس کے ایڈیشنل جنرل سیکرٹری چوہدری ماجد چیمہ نے کہا ہے کہ پنجاب حکومت کرونا کیخلاف اپنے اہداف حاصل کرنے میں سب سے آگے ہے مگر اپوزیشن کی آنکھوں پریا توتعصب کی پٹی ہے یا پھر وہ تشہیر کو ہی کارکردگی گردانتے ہیں
ان کا کہنا تھا کہ وزیراعلیٰ عثمان بزدار بہت حلیم الطبع اورفرض شناس آدمی ہیں جنھوں نے چائینہ کے کم سے کم دنوں میں فیلڈ ہسپتال مکمل کرنے کے ریکارڈ کو بہت آسانی سے توڑ دیا ہے اور اپنی اتنی بڑی کامیابی کی کوئی تشہیر وغیرہ بھی نہیں کی ہے۔ قومی اورعوامی لیڈر ایسے ہوتے ہیں جو اپنا کام خاموشی اور لگن سے کرتے ہیں انشااللہ پنجاب میں چوہدری عثمان بزدار اپنے ہدف کو کامیابی سے پایہ تکمیل تک پہنچائیں گے۔