نائٹ کلب میں لڑائی مارکٹائی کرنے والے انگلش آل راؤنڈر بین سٹوکس نے شادی تو رچائی لیکن ان کی مشکلات میں کمی نہ ہوسکی ، کرکٹر کے گرد گھیرا تنگ کرنے یعنی عینی شاہدین کی تلاش کے لیے پولیس پھر حرکت میں آچکی ہے۔ برِسٹل کے نائٹ کلب کا واقعہ پھر سے تازہ ہوگیا ۔ نشے میں دھت کرکٹر نے گذشتہ ماہ لڑائی مارکٹائی کے بعد عارضی رہائی پائی، کرکٹ سے آؤٹ آل راؤنڈر نے شادی کرنے کا فیصلہ کر لیا ۔ کرکٹ اور پھر لاتوں اور ہاتھوں سے حریفوں کے چھکے چھڑانے والے سٹوکس کی زندگی میں سکون نہ آیا ، اب جا کے انگلش پولیس پھر حرکت میں آئی پولیس کو اُن عینی شاہدین کی تلاش ہے جو تفتیش میں مددگار ثابت ہو سکتے ہیں ۔ پرانے واقعے کی تازہ چھان پھٹک سے بین سٹوکس کو کھٹکا ضرور لگ گیا ہے جس سے ان کی گرفتاری کے علاوہ سخت سزا بھی ہو سکتی ہے۔