لاہور (ویب ڈیسک) تجزیہ کار ایاز امیر نے کہا ہے کہ سعودی عرب دنیا کی تیسری قوم ہے جو زیادہ پیسہ اسلحے پر خرچ کرتی ہے لیکن آٹھ دس میزائل پتہ نہیں کہا ں سے آئے کہ سارا نقشہ ہی بدل کررکھ دیا ہے؟ ہمارے عرب بھائیوں نے امریکیوں کوکرائے کے فوجیوں کے طور پر رکھا ہوا ہے۔دنیا نیوز کے پروگرام ”تھنک ٹینک“میں گفتگو کرتے ہوئے ایاز امیر نے کہا کہ عالمی سطح پر سب سے طاقتور لابی اسرائیلی لابی ہے ہم جو سوچتے ہیں کہ ہم نیویار ک میں چار دن میں جاکر پتہ نہیں کیا فتح کرلیں گے؟یہ بات نہیں ہوگی ۔ایاز امیر کا کہنا تھا کہ سعودی عرب دنیا کی تیسری قوم ہے جو زیادہ پیسہ اسلحے پر خرچ کرتی ہے لیکن آٹھ دس میزائل پتہ نہیں کہا ں سے آئے کہ سارا نقشہ ہی بدل کررکھ دیا ہے ۔ انہوں نے کہا کہ ہمارے عرب بھائیوں نے امریکیوں کوکرائے کے فوجیوں کے طور پر رکھا ہوا ہے ، مسلمان اپنے معاملات حل کرنہیں سکتے اور دوسری طرف دیکھتے ہیں لیکن جب بات ہو امہ کی اور فلسفہ کی ہو تو پھر آپ تقریروں کوسن نہیں سکتے ۔ دوسری جانب ایک خبر کے مطابق تجزیہ کارحسن نثار نے کہاہے کہ اگرمہذب دنیا میں کوئی اثاثو ں کا جواب نہ دے سکے تو لوگ سنگسار کردیں، پاگل کتے کے کانٹے سے بچہ مرگیا تو سعید غنی کہتا ہے کہ اس کے ماں باپ کا قصور ہے۔ جیو نیوزکے پروگرام ”میرے مطابق“میں گفتگو کرتے ہوئے حسن نثار نے کہا کہ کہ اگرمہذب دنیا میں کوئی اثاثو ں کا جواب نہ دے سکے تو لوگ سنگسار کردیں۔ پاگل کتے کے کانٹے سے بچہ مرگیا تو سعید غنی کہتا ہے کہ اس کے ماں باپ کا قصور ہے جو اس کو بروقت ہسپتال نہیں لے جا سکے ۔ حسن نثار نے کہا کہ میں نے کالم میں سعید غنی کو کہا کہ بچے کو پاگل کتے نے نہیں کاٹا بلکہ اس باﺅلے نظام نے کاٹا ہے ۔ قصور وار تو واقعی ہی ماں باپ ہیں لیکن اگر تم تھوڑی سے تعلیم اور تھوڑا سا تمدن آصف زرداری کی خوشحالی کا صدقہ سمجھ کر اس بچے کے ماں باپ کودے دیتے تو ان کو تعلیم آ جاتی ۔ انہوں نے کہا کہ سعید غنی کے صدقے جاﺅں کہ کہتاہے کہ قصور ماں باپ کا کہا ، والدین کو تواس قابل ہی نہیں چھوڑا گیا ۔