کراچی: عامر لیاقت حسین کا کہنا ہے کہ عمران خان نے مجھے خود کہا ہے کہ میں ان کا وقار یونس ہوں کیونکہ وقار یونس بہت تیز گیند کراتے تھے تو گیند کبھی وائیڈ ہو جاتی تھی اور کبھی نو بھی ہو جاتی تھی. عامر لیاقت حسین نے بتایا کہ عمران خان نے مجھے خود کہا ہے کہ میں ان کا وقار یونس ہو ں کیونکہ وقار یونس بہت تیز گیند کراتے تھے تو گیند کبھی وائیڈ ہو جاتی تھی اور کبھی نو بھی ہو جاتی تھی ، اب میں ذرا لائن و لینتھ پر ہوں ،عمران خان نے گیند پکڑی ہوئی ہے ، مجھے خود دیتے ہیں ، وہ مخالفین کے ساتھ ساتھ کبھی کبھی موقع آنے پر اپنوں پر بھی طنز کے نشتر برساتے رہتے ہیں ۔یہ ہی وجہ ہے کہ تحریک انصاف کی حکومت قائم ہونے کے بعد بعض اختلافات کی وجہ سے عامر لیاقت حسین نے کراچی کی قیادت پر کھل کر طنز کیا تھا لیکن پھر وزیراعظم عمران خان سے ملاقات کے بعد وہ بالکل خاموش ہو گئے تھے ۔اس صورتحال کے حوالے سے مارننگ شو کے دوران عامر لیاقت نے دلچسپ تبصرہ کیا ، واضح رہے کہ وزیراعظم بننے کے بعد جب عمران خان نے پہلی مرتبہ کراچی کا دورہ کیا تھا تو اس موقع پر عامر لیاقت کو گورنر ہاوس سندھ جانے نہیں دیا گیا تھا جہاں وزیراعظم موجود تھے۔عامر لیاقت نے اس بات پر بہت غصہ کیا تھا اور کھل کر کراچی کی قیادت پر تنقید کی تھی ۔ خیال رہے کہ سابق وفاقی وزیر عامر لیاقت حسین نے ایک اور شادی کرلی۔ جس میں گورنر سندھ عمران اسمٰعیل‘ شعیب شیخ‘ صحافیوں اور سیاستدانوں نے بڑی تعداد میں شرکت کی۔ عامر لیاقت حسین کی دوسری شادی اس وقت سامنے آئی جب الیکشن کمشن میں ان کے خلاف کاغذات نامزدگی میں دوسری اہلیہ کا ذکر نہ کرنے پر درخواست دائر ہوئی