اسلام آباد(نمائندہ خصوصی)تحریک انصاف کے چیئرمین عمران خان نے کہا ہے کہ روز اول سے میں نے پاکستان کی دہشت گردی کیخلاف امریکی جنگ کا حصہ بننے کی مخالفت کی،اب 70 ہزار جانیں گنوانے، ایک سو ارب ڈالرز سے زائد کا معاشی نقصان کرنے کے بعد بات وہی کچھ کہا جا رہا ہے جو میں کہتا آیا ہوں، ہمارا تو ستمبر گیارہ سے کسی طرح کا کوئی تعلق نہیں تھا، ٹرمپ کے ہاتھوں قوم کی تذلیل اور ڈومور کے نہ ختم ہونے والے طعنوں کے بات حکومت نے وہ بات کہنا شروع کردی جو میں پہلے دن سے کہتا آیا ہوں، امریکہ کی اس جنگ سے ہمیں یہ دائمی سبق ملا کہ کبھی بھی ادنیٰ مالی فوائد کی خاطر کسی کے لئے استعمال نہ ہونا چاہئیے، ہمارے سماج میں شدت پسندی اور تقسیم نے اپنی جڑیں گہری کیں، پہلے ہم نے امریکی ایماء پر جہادی گروہ تشکیل دیے،پھر امریکہ ہی کے حکم پر ان گروہوں کو دہشت گرد قرار دیکر مٹانے کی کوشش کی،اب ایک گنوار اور احسان فراموش امریکی صدر ڈونلڈ ٹرمپ افغانستان میں اپنی ناکامیوں کا الزام پاکستان پر دھرتا ہے،