ٹرمپ انتظامیہ کا ایک اور یو ٹرن ، امریکا اسرائیل فلسطین تنازع کے حل کے لیے دو ریاستوں کے قیام سے ہی مکر گیا ۔
وائٹ ہا ؤس کے عہدیدار کا کہناہے کہ امریکا مشرق وسطیٰ میں دو ریاستی حل پر اصرار نہیں کرے گا، ایسے دو ریاستی حل کا کوئی فائدہ نہیں جس سے امن نہ لایا جا سکے ۔عہدیدار کا کہناہے کہ ٹرمپ فلسطین اور اسرائیل کے درمیان قیام امن کے مقصد کی حمایت کرتے ہیں، ٹرمپ قیام امن کے حامی ہیں چاہے اس کا تعلق دو ریاستوں کے قیام سے نہ ہو۔وائٹ ہاؤس کے مطابق امریکا مشرق وسطیٰ میں قیام امن کے لیے ہدایات جاری نہیں کرنا چاہتا۔