ممبئی: لندن ہوٹل کی انتظامیہ نے  ائیر انڈیا سے شکایت کی ہے کہ ان کے اسٹاف کا عملہ ہوٹل میں قیام کے دوران اپنے ساتھ ڈبے لاتے ہیں اور اس میں کھانا بھر کر ساتھ لے جاتے ہیں۔

Air India staff at Hotel London motion embarrassment for India

بھارتی ائیر لائن ائیر انڈیا کی انتظامیہ کو اس وقت سخت شرمندگی کا سامنا کرنا پڑا جب لندن میں ہوٹل انتظامیہ کی جانب سے ای میل موصول ہوئی جس میں شکایات کی گئی تھی کہ ائیر انڈیا کا فلائٹ اسٹاف ہوٹل میں قیام کے دوران ناشتے کے لیے خالی ڈبے اپنے ساتھ لاتے ہیں اور پھر ان میں چیزیں بھر کر اپنے ساتھ لے جاتے ہیں تاکہ بعد میں کھا سکیں۔ ائیر انڈیا کے اسٹاف ممبران میں سے ایک نے نام ظاہر نہ کرنے کی شرط پر بتایا کہ کچھ افراد اس میں شامل ہوسکتے ہیں کیونکہ کنٹریکٹ ملازمین کو کھانے کا کم الاؤنس دیا جاتا ہے جب کہ فلائٹ کے وقت میں کمی کے باعث کچھ جہاز کا عملہ باکس میں کھانا رکھ لیتے ہیں۔ دوسری جانب ائیر انڈیا کے ترجمان کا کہنا ہے کہ انہیں واقعے کا علم ہے اور وہ اس کی تحقیقات کررہے ہیں۔