Shahrukh And Mahira
ممبئی (جیوڈیسک) چھوٹی اسکرین پر اپنی لازوال اداکاری کے ذریعے کروڑوں لوگوں کو گرویدہ بنانے والی اداکارہ ماہرہ خان بالی ووڈ کے سپر اسٹار شاہ رخ خان کے ہمراہ فلم ’’رئیس ‘‘ کی شوٹنگ میں مصروف ہیں۔
بھارتی میڈیا کے مطابق بالی ووڈ کے معروف فلم ساز ادارے ایسل پکچرز کے بینر تلے بننے والی فلم ’’رئیس‘‘ کی کہانی 1980 کی دہائی کے ایک انڈر ورلڈ ڈان کے گرد گھومتی ہے، یہ کردار شاہ رخ خان ادا کررہے ہیں جب کہ ماہرہ خان شاہ رخ خان کی مسلمان بیوی کا کردار ادا کررہی ہیں۔
فلم کی شوٹنگ ممبئی کے علاوہ بھارتی ریاست گجرات میں بھی کی جائے گی۔ فلم کی عکسبندی مکمل کروانے کے لئے ماہرہ خان ممبئی میں موجود ہیں اور اپنا کام تیزی کے ساتھے مکمل کروا رہی ہیں۔
