چٹاگانگ: سری لنکن ایلیٹ میچ آفیشل کمار دھرما سینا کا امپائرنگ کیریئر شدید خطرات سے دوچار ہو گیا ہے جنہوں نے بنگلہ دیش بمقابلہ انگلینڈ پہلے ٹیسٹ میں غلط فیصلوں کا نیا عالمی ریکارڈ قائم کردیا۔ اس میچ کی پہلی اننگز میں دس ریویوز بھی ریکارڈ تھے جنہوں نے ٹی وی امپائر ایس روی کو مسلسل مصروف رکھا جو جنوری دو ہزار چودہ کے دبئی ٹیسٹ میں بھی امپائر تھے جہاں پاکستان کیخلاف سری لنکن اننگز میں آٹھ ریویوز لئے گئے تھے ۔ چٹاگانگ ٹیسٹ کے26 میں سے 16 ریویوز دھرماسینا کے فیصلوں پر تھے جن میں سے آٹھ کو تبدیل کرنا پڑا ۔