اسلام آباد؍ریاض(یس اردو نیوز) پی آئی اے کی خصوصی پرواز دو سو پچاس پاکستانی تارکین وطن کو لیکر ریاض سے لاہور کے لئے روانہ ہو گئی۔ کنگ خالد انٹرنیشنل ایئرپورٹ الریاض پر سفارتخانہ پاکستان کی جانب سے کمیونٹی ویلفیئر اتاشی شیخ عبدالشکور نے مسافروں کو روانہ کیا۔
ایمرجنسی ، طبی امور ، اقامے کی میعاد ختم ہونے اور خروج نہائی والے پاکستانیوں کو سفر کے لئے ترجیح دی گئی۔ 15 مارچ 2020 کو سعودی عرب میں فلائٹ آپریشن معطل ہونے کے بعد ریاض سے یہ وطن واپسی کی دوسری پرواز ہے۔