پیرس، امت مسلمہ کے عظیم لیڈر وزیراعظم عمران خان کی 67ویں سالگرہ پرعہد کرتے ہیں ملک اورملک سے باہر کرپشن اوراسلام دشمنوں کیخلاف لڑائی میں ان کے زوربازو کے طور پر کردار ادا کرتے رہیں گے، اکرام رانجھا

پیرس؍اسلام آباد(ایس ایم حسنین) تحریک انصاف فرانس کے مرکزی راہنما اکرام رانجھا نے وزیراعظم پاکستان عمران خان کی 67ویں سالگرہ کی پروقار تقریب سے خطاب کرتے ہوئے کہا کہ امت مسلمہ کے عظیم لیڈروزیراعظم عمران خان کے جنم دن پر عہد کرتے ہیں کہ ملک اورملک کے باہر موجود قائد عمران خان کے دشمنوں سے انکے مقابلے میں کسی قربانی سے دریغ نہیں کریں گے۔

انہوں نے کہا کہ  وزیراعظم پاکستان جناب عمران خان کی 67ویں سالگرہ پرہم عہد کرتے ہیں کہ ملک دشمنوں ، کرپٹ مافیا اور صیہونی اورطاغوتی طاقتوں کے ساتھ مقابلے میں وزیراعظم عمران خان کے ہمیشہ دست وبازور رہیں گے اور پاکستان اورپاکستان سے باہران کیخلاف تمام سازشوں کو ناکام بنانے کیلئے اپنا کردار ادا کرتے ہیں گے۔

انہوں نے کہا کہ دعاگو ہوں کہ وزیراعظم پاکستان عمران خان جوریاست مدینہ تشکیل دے رہے ہیں وہ اس نیک مقصد میں سرخرو ہوں اور قوم کی امیدوں سے بڑھ کر ان کی آنکھوں میں پیار اور قومیت کے جذبے کو روشن رکھتے ہوئے عظیم کامیابیاں حاصل کریں۔