ظفرول(نامہ نگار) تھانہ لیسر کلاں کے نواحی گاؤں سورج چک میں سات سالہ زینب کو زیادتی کے بعد قتل کر دیا ملزم نے لاش کو اپنے گھر کپڑوں والی پیٹی میں چھپا دیا تھا

بتایا جاتا ہے کہ تھانہ لیسر کلاں کے نواحی گاؤں چک سورج کے رہائشی راشد علی کی سات سالہ بیٹی زینب شام سات بجے کے قریب گھر سے باہر نکلی تو دوبارہ گھر واپس نہ آئی والدین نے تلاش کیا مگر کوئی سراغ نہ ملا رات گئے تک نزدیکی کھیتوں اور اجاڑ جگہوں پر ڈھونڈنے پر سراغ نہ ملنے پر گاؤں کے لوگوں نے راشد علی کے نزدیکی گھروں کی تلاشی کا فیصلہ کیا تو راشد علی کے گھر سے چند فرلانگ پرواقع گھر اقبال عرف جبرو کے گھر سے پیٹی سے بچی کی برہنہ حالت میں لاش برآمد ہوئی بچی کو زیادتی کے بعد گلہ دبا کر قتل کرنے کا بتایا جا رہا ہے پولیس تھانہ لیسر کلاں نے لاش برآمد ہونے والے گھر سے عظمت بیگم۔ شمیم بی بی اورماریہ کو گرفتار کرلیا ہے گھر کا سربراہ گھر سے غائب ہے پولیس نے لاش کو اپنےقبضہ میں لیکر پوسٹمارٹم کے لیے تحصیل ہیڈ کوارٹر شکرگڑھ بھیج دیا ہے یہ بھی بتایا جا تا ہے کہ جس گھر سے بچی کی لاش برآمد ہوئی ہے اس گھر کے مالک کا بیٹا قیصر عمر 20/22سال عرصہ دراز سے گھر سے باہر نہیں نکلتا وہ رات کی تاریکی میں گھر سے باہر نکلتا ہے اور اس کا زہنی توازن بھی درست نہیں اس واقع سے لوگوں میں خوف و ہراس پایا جا رہا ہے اور گاؤں میں قیامت جیسا سماں ہے ہر چھوٹی بڑی آنکھ اشکبار ہے