اسلام آباد(مانیٹرنگ ڈیسک)کیا آپ نے کبھی اپنے پاسپورٹ کے رنگ پر غور کیا اور سوچا کہ اسے یہ کلر کیوں دیا گیا ہے؟پاسپورٹ کے چار مخصوص رنگوں کے پیچے ایک وجہ ہے، لیکن کچھ ممالک الگ رنگوں کا استعمال بھی کرتے ہیں۔پاسپورٹ کے رنگ کیلئے ملکوں پر کوئیخاص پابندیاں نہیں ہیں، کوئی بھی اپنی مرضی کا رنگ استعمال کرسکتا ہے۔ تاہم اکثر ممالک پاسپورٹ کے رنگ کیلئے ایسے رنگ کا چناؤ کرتے ہیں جو ان کی ثقافت کو ظاہر کریں۔زیادہ تر اسلامی ممالک ہرے رنگ کا استعمال کرتے ہیں جبکہ اکنامک کمیونٹی آف ویسٹ افریکن اسٹیٹ (ایکوا) کے ممالکہرے رنگ کے مختلف شیڈز کا استعمال کرتے ہیں۔یورپی یونین کے ممبر ممالک کے پاسپورٹ میں برگنڈی رنگ کا استعمال کیا جاتا ہے۔ جبکہ امریکا 20 ویں صدی میں کئی رنگ بدل چکا ہے، لیکن اب نیلا رنگ اس کے جھنڈے کی نسبت سے رکھا گیا ہے۔یونائیٹڈ نیشن کے ممبران کو پیسیفک بلیو پاسپورٹ جاری کیا جاتا ہے جس کا رنگ ان کے پیس فورس کے ہیلمٹ جیسا ہوتا ہے، جبکہ انٹرپول اپنے لوگوں کو کالے سفری دستاویزات فراہم کرتی ہے۔لیکن ان سب میں جو ایک بات مشترک ہے وہ یہ کہ یہ سب گہرے رنگوں کا استعمال کرتے ہیں۔پاسپورٹ پرنٹنگ فرم سے تعلق رکھنے والے بل والڈرن نے اس کی وجہ بتاتے ہوئے کہا کہ گہرا رنگ دھول مٹی کو چھپاتا ہے، جبکہ یہ بیس کلر کے ساتھ اچھا کنٹراسٹ فراہم کرتا ہے اور زیادہ آفیشل دکھتا ہے۔اگر آپ سویڈش باشندے ہیں تو پاسپورٹ کھونے کی صورت میں آپ کو گلابی رنگ کا ایمرجنسی پاسپورٹ بھی دیا جاتا ہے۔