خان صاحب تو شیخ رشید کو چپڑاسی لگانے کے روادار نہیں تھے، آج ان کی پوری پارٹی میں چپڑاسی کے علاوہ کوئی وزارت عظمیٰ کا امیدوار ہی نہیں رہا، میاں محمدحنیف

 پیرس (یس اردو نیوز) پاکستان مسلم لیگ ن فرانس کے چیف ایگزیکٹو میاں محمد حنیف نے شیخ رشید احمد کی پیرس آمد کے حوالےسے اپنے بیان میں کہا ہے کہ پیرس میں عوامی مسلم لیگ کے پاس ایک چپڑاسی لیول کا بھی ورکرنہیں مگر تحریک انصاف کے کارکنان ان کی 10 ستمبر کوپیرس آمد پر ایسے پرجوش ہیں جیسے چپڑاسی اب ان کا سرکردہ لیڈر بن چکا ہو۔انہوں نے کہا ہے کہ شیخ رشید جیسا آدمی کبھی بھی قابل بھروسہ نہیں ہو سکتا جس آدمی کو عمران خان نے اسے وزارت عظمیٰ کا امیدوار نامزد کیا لیکن خود ہی اسے ووٹ ڈالنے قومی اسمبلی نہ آئے۔ انہوں نے کہا کہ عمران خان شیخ رشید کو تب ووٹ ڈالیں گے جب وہ چپڑاسی کا الیکشن لڑیں گے۔کیا پوری تحریک انصاف میں اس چپڑاسی کے علاوہ عمران خان کے پاس وزارت عظمیٰ کا کوئی موزوں امیدوار نہیں تھا حیرت ہے تحریک انصاف کا میرٹ اس قدر گر چکا ہے۔یوٹرن لینے کا سب سے بڑا نقصان یہی ہے کہ انسان کو ایسی جگہ پہنچا دیتا ہے جہاں اس کی اوقات ہوتی ہے