حیدرآباد دکن( ویب ڈیسک) پاکستانی کرکٹر اور بھارتی ٹینس اسٹار اپنے بچےکو لے کر بہت زیادہ ڈرتے ہیں۔ پاکستانی کرکٹر شعیب ملک کی بھارتی ٹینس اسٹار اہلیہ ثانیہ مرزا کا کہنا ہے کہ نظربد سے بچانے کیلیے ہم دونوں اپنے بیٹے اذہان کی تصاویرمنظر عام پر نہیں لائے۔ ایک انٹرویو میں ثانیہ مرزا کا کہنا ہے کہ آپ ہمیں قدامت پسند یا بے وقوف بھی کہہ سکتے ہیں مگر میرا نظربد پر یقین ہے۔ میں نے اور شعیب نے فیصلہ کیاکہ جس حد تک ممکن ہو اپنے بیٹے کو عوامی نظروں میں آنے سے بچائیں گے۔ اسی لیے ہم سوشل میڈیا پر اس کے چہرے والی تصاویر شیئر نہیں کرتے۔ ابھی وہ ان چیزوں کیلیے بہت چھوٹا ہے۔ اہلیہ شعیب ملک نے کہا کہ میں ٹینس کو مس کر رہی ہوں اور دوبارہ کھیلن کیلیے مزید انتظار نہیں کر سکتی۔ البتہ آپریشن کے ذریعے بچے کی ولادت اور پرانی انجریز کے سبب درکار فٹنس حاصل کرنے میں ابھی وقت لگے گا، میں کوئی تاریخ تو نہیں دے سکتی البتہ آئندہ برس کورٹ میں واپسی کا ارادہ ہے۔