پیرس (نامہ نگار) پاکستان مسلم لیگ ن (یوتھ ونگ )فرانس کے چیف کوآرڈینیٹر راحیل بٹ نے بعض نوآموز سیاسی جماعتوں کی طرف سے میاں محمد نواز شریف اور ان کی فیملی کے بارے میں مذموم بیانات کی مذمت کرتے ہوئے کہا ہے کہ دنیا بھر میں جس لیڈر نے پاکستانی قومی کی سب سے زیادہ مرتبہ نمائندگی کی ہے اس کے ساتھ ایسا سلوک مہذب قوموں میں روا نہیں رکھا جاسکتا۔

انہوں نے کہا کہ نواز شریف ایک عظیم  جرات مند اور بہادر لیڈر ہےان کو غیر جمہوری طاقتوں کےخلاف کھڑا ہونے کی سزا ملی جو کہ ہمارے سسٹم پر ایک بہت بڑا سوالیہ نشان ہے۔ ہمارے ملک میں ایک نہیں کئی نظام متوازی چل رہے ہیں ان سے لڑنے کا فیصلہ کرنا صرف نواز شریف جیسے لیڈر کے بس کا ہی کام ہے ۔ لکڑ بگھے وہ ہیں جو شیر کو زخمی دیکھ کر اس پر جھپٹ رہے ہیں ۔ میاں محمد نواز شریف اپنے خلاف کیسز کا پوری طرح سامنا کریں گے اور انشااللہ ان کا فیصلہ تاریخ کریگی۔ تاریخ انہیں بے قصور اور ان کے مخالفین ابن الوقتوں کو پاکستان کا سب سے بڑا کلنگ ثابت کریگی۔