لاہور; ٹی وی سٹار ثمن انصاری نے امریکہ میں دوسری شادی کرلی ۔بتایاگیاہے کہ شادی کی تقریب میں ان کے قریبی دوستوں اور رشتہ داروں نے شرکت کی۔ثمن انصاری نے شادی اور ولیمے کی تصاویر سوشل میڈیا پر شیئر کی ہیں جس کے ساتھ ساتھ انہوں نے اپنے بچوں کی تصاویر بھی پوسٹ کی ہیں۔

یاد رہے کہ ثمن انصاری بے شمار ڈراموں میں یاد گار کردار اداکرچکی ہیں۔جبکہ دوسری جانب فلمسٹار صوبیہ خان نے معروف کرکٹر عبدالقادر کے بیٹے عثمان قادر سے نکاح کر لیا ،چند دنوں سے صوبیہ خان کی خفیہ شادی کی افواہیں کافی گردش میں تھیں مگر کسی کو یہ اندازہ نہیں تھا کہ شادی کی خبروں میں کس حد تک صداقت ہے تاہم اب صوبیہ نے خود اس بات کی تصدیق کر دی کہ وہ رشتہ ازدواج میں بندھ گئی ہیں اور نئے سال کے آغاز میں باقاعدہ پیا گھر سدھار جائینگی ۔عثمان قادر بھی اپنے والد عبدالقادر کی طرح کرکٹر ہیں وہ مختلف کلبز کی جانب سے کھیلتے ہیں جبکہ سائوتھ افریقہ اور آسٹریلیا کے کرکٹ کلب میں باقاعدہ کوچنگ بھی کرتے ہیں اسی طرح صوبیہ خان فلم ،ٹی وی، سٹیج اور فیشن کی دنیا میں خاصا نام کما چکی ہیں۔انہوں نے بتایا کہ اب وہ مزید سٹیج ڈراموں میں کام نہیں کرینگی بلکہ صرف معیاری پراجیکٹس ہی سائن کریں گی ۔